ಮಕ್ಕಳಿಗೆ ಆರೋಗ್ಯಕರ ಮತ್ತು ಪೌಷ್ಟಿಕಾಂಶಯುತ ಲಂಚ್ ಬಾಕ್ಸ್ ರೆಸಿಪಿಗಳು

ಮಕ್ಕಳಿಗೆ ಪೌಷ್ಟಿಕಾಂಶಯುತ, ಆರೋಗ್ಯಕರ ಲಂಚ್ ಬಾಕ್ಸ್ ತಯಾರಿಸಲು ಸರಳ ಮತ್ತು ರುಚಿಕರ ರೆಸಿಪಿಗಳನ್ನು ಇಲ್ಲಿ ಕಂಡುಹಿಡಿಯಿರಿ. ಬಟಾಣಿ ಪಲಾವ್, ಪನೀರ್ ಸ್ಯಾಂಡ್‌ವಿಚ್, ಪಾಸ್ತಾ ಸೇರಿದಂತೆ ಮಕ್ಕಳಿಗೆ ಇಷ್ಟವಾಗುವ ರುಚಿಕರ ಊಟದ ಆಯ್ಕೆಗಳು, ಬೆಳವಣಿಗೆಗೆ ಅಗತ್ಯ ಪೌಷ್ಠಿಕಾಂಶ ಒದಗಿಸುತ್ತವೆ.

ನಿಮ್ಮ ಮಕ್ಕಳ ಆಹಾರ ಪೌಷ್ಟಿಕಾಂಶಗಳಿಂದ ಕೂಡಿರಬೇಕೆಂಬುದು ಪ್ರತೀ ಪೋಷಕರ ಇಚ್ಛೆ. ಮಕ್ಕಳಿಗೆ ಆರೋಗ್ಯಕರ ಆಹಾರ ನೀಡುವುದು ಮಾತ್ರವಲ್ಲದೆ, ತಾವು ತಿನ್ನುವ ಆಹಾರದಿಂದ ತೃಪ್ತಿಯನ್ನು ಅನುಭವಿಸಲು, ಅವರ ಲಂಚ್ ಬಾಕ್ಸ್ ಅನ್ನು ಆರೋಗ್ಯಕರ ಮತ್ತು ರುಚಿಕರವಾಗಿರಬೇಕಾಗಿದೆ. 

ಮಕ್ಕಳು ದೀರ್ಘಕಾಲದ ಶಕ್ತಿಯುತ ಆರೋಗ್ಯ ಹೊಂದಲು, ಅವರ ಆಹಾರವು ಪೌಷ್ಟಿಕಾಂಶಗಳಿಂದ ಸಮೃದ್ಧವಾಗಿರಬೇಕು. ಮಕ್ಕಳ ದೈನಂದಿನ ಬೆಳವಣಿಗೆಗೆ ಅಗತ್ಯವಿರುವ ಪೌಷ್ಟಿಕಾಂಶಗಳು ಪ್ರೋಟೀನ್, ಕಬ್ಬಿಣ, ವಿಟಮಿನ್, ಕಬ್ಬಿಣ ಮತ್ತು ನೈಸರ್ಗಿಕ ಶಕ್ತಿ booster ಗಳು. ಸುಶ್ಮಿತಾ ಎನ್, ಕ್ಲಿನಿಕಲ್ ನ್ಯೂಟ್ರಿಷನಿಸ್ಟ್, ಬ್ಯಾಂಗಳೂರಿನ ಕ್ಲೌಡ್ ನೈನ್ ಗ್ರೂಪ್ ಹಾಸ್ಪಿಟಲ್ ನಲ್ಲಿರುವ ಪೋಷಕರಿಗೆ ಕೆಲವು ಸುಲಭವಾದ ಹಾಗೂ ಆರೋಗ್ಯಕರ ರೆಸಿಪಿಗಳನ್ನು ಸೂಚಿಸಿದ್ದಾರೆ. ಇವು, ಮಕ್ಕಳನ್ನು ದಿನದ ದಿನದ ಮೆನುಗಳಿಂದ ಬೇಸರವಾಗದಂತೆ ಹಾಗೂ ಆಹಾರದ ಪ್ರತಿದಿನದ ಪೌಷ್ಟಿಕಾಂಶ ಸರಬರಾಜು ನಿಭಾಯಿಸಲು ಸಹಕಾರಿಯಾಗುತ್ತದೆ.

1. ಕಿತ್ತಳೆ ಹಣ್ಣಿನ ಜೊತೆಗೆ ಪನೀರ್ ಗ್ರಿಲ್ ಸ್ಯಾಂಡ್‌ವಿಚ್

ಅವಶ್ಯಕತೆಗಳು:

• ಬ್ರೌನ್ ಬ್ರೆಡ್ ಚೂರುಗಳು – 2
• ತುಪ್ಪ ಅಥವಾ ಎಣ್ಣೆ – 1 ಟೀ ಚಮಚ
• ಈರುಳ್ಳಿ – ಹೆಚ್ಚಿದ
• ಶುಂಠಿ ಬೆಳ್ಳುಳ್ಳಿ ಪೇಸ್ಟ್ – 1 ಟೀ ಚಮಚ
• ಪನೀರ್ – 50 ಗ್ರಾಂ (ಪೇಸ್ಟ್)
• ಉಪ್ಪು ಮತ್ತು ಅರಿಶಿನ
• ಕಿತ್ತಳೆ ಹಣ್ಣಿನ ತೊಳೆ

ತಯಾರಿಸುವ ವಿಧಾನ:   

ಎಣ್ಣೆ ಬಿಸಿ ಮಾಡಿ, ಜೀರಿಗೆ, ಈರುಳ್ಳಿ ಮತ್ತು ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಬಾಡಿಸಿ. ಗೋಲ್ಡನ್ ಬ್ರೌನ್ ಬರುವವರೆಗೆ ಬಾಡಿಸಿದ ನಂತರ, ಟೊಮ್ಯಾಟೊ, ಉಪ್ಪು ಮತ್ತು ಅರಿಶಿನ ಸೇರಿಸಿ, ಚೆನ್ನಾಗಿ ಮಿಶ್ರಣ ಮಾಡಿ. ಇದಕ್ಕೆ ಪನೀರ್ ಸೇರಿಸಿ ಮಿಕ್ಸ್ ಮಾಡಿ. ಬೆಣ್ಣೆ ಅಥವಾ ತುಪ್ಪ ಬಳಸಿ ಬ್ರೆಡ್ ಅನ್ನು ಟೋಸ್ಟ್ ಮಾಡಿ. ಇದರ ಮೇಲೆ ಪನೀರ್ ಮತ್ತು ಚೀಸ್ ಹರಡಿ ಬಿಸಿ ಇರುವಾಗ ಟೊಮೇಟೊ ಸಾಸ್ ಜೊತೆಗೆ ನೀಡಲು ರೆಡಿ ಮಾಡಿ. ಈ ರೆಸಿಪಿ ಮಕ್ಕಳಿಗೆ ಹಸಿವು ತೀರಿಸಿ ಶಕ್ತಿ ಪೂರಕವಾಗಿದ್ದು, ಅದಕ್ಕೆ ಕಿತ್ತಳೆ ಹಣ್ಣು ಸೇರಿಸುವುದರಿಂದ, ವಿಟಮಿನ್ ಸಿ ಪೂರಕವಾಗುತ್ತದೆ.

2. ಬಟಾಣಿ ಪಲಾವ್ ಮತ್ತು ರೈತಾ ಜೊತೆಗೆ ಸೌತೆಕಾಯಿ ಕ್ಯಾರೆಟ್ ಸ್ಟಿಕ್ ಗಳು

ಅವಶ್ಯಕತೆಗಳು:

• ಅಕ್ಕಿ – 1 ಕಪ್
• ತುಪ್ಪ – 1 ಟೇಬಲ್ ಚಮಚ
• ಗರಂ ಮಸಾಲ ಪದಾರ್ಥಗಳು (ಏಲಕ್ಕಿ, ಜೀರಿಗೆ, ಲವಂಗ, ಪಲಾವ್ ಎಲೆ, ದಾಲ್ಚಿನ್ನಿ)
• ಹಸಿ ಬಟಾಣಿ – 1 ಕಪ್
• ಉಪ್ಪು ಮತ್ತು ಅರಿಶಿನ
• ಕೊತ್ತಂಬರಿ ಸೊಪ್ಪು – 1 ಟೇಬಲ್ ಚಮಚ

ತಯಾರಿಸುವ ವಿಧಾನ:  

ತುಪ್ಪದಲ್ಲಿ ಗರಂ ಮಸಾಲ ಹಾಕಿ ಈರುಳ್ಳಿ, ಶುಂಠಿ ಬೆಳ್ಳುಳ್ಳಿ ಪೇಸ್ಟ್ ಹಾಕಿ ಬಾಡಿಸಿ. ನಂತರ ಬಟಾಣಿ, ಅಕ್ಕಿ ಸೇರಿಸಿ ಬೇಯಿಸಿ. ಕೊತ್ತಂಬರಿ ಸೊಪ್ಪು ಸೇರಿಸಿ, ಮೊಸರಿನ ರೈತಾ ಮತ್ತು ಕ್ಯಾರೆಟ್, ಸೌತೆಕಾಯಿ ಸ್ಟಿಕ್ ಗಳನ್ನು ಸಲಾಡ್ ರೂಪದಲ್ಲಿ ನೀಡಬಹುದು. 

3. ದ್ರಾಕ್ಷಿ ಮಿಕ್ಸ್ ಮಾಡಿದ ಮಸಾಲಾ ಪಾಸ್ತಾ

ಅವಶ್ಯಕತೆಗಳು:

• ಪಾಸ್ತಾ – 100 ಗ್ರಾಂ
• ತುಪ್ಪ ಅಥವಾ ಬೆಣ್ಣೆ – 2 ಟೇಬಲ್ ಚಮಚ
• ಬೆಳ್ಳುಳ್ಳಿ, ಜೀರಿಗೆ – 5 ಹೆಚ್ಚಿದ
• ಈರುಳ್ಳಿ – 1
• ತರಕಾರಿಗಳು (ಕ್ಯಾರೆಟ್, ಬೀನ್ಸ್, ಕಾರ್ನ್, ಕ್ಯಾಪ್ಸಿಕಂ) – 1 ಕಪ್
• ತುರಿದ ಚೀಸ್, ಒರಿಗ್ಯಾನೋ, ಕಸೂರಿ ಮೇಥಿ

ತಯಾರಿಸುವ ವಿಧಾನ:  

ನೀರಿನಲ್ಲಿ ಪಾಸ್ತಾ ಬೇಯಿಸಿ, ಎಣ್ಣೆಯಲ್ಲಿ ಜೀರಿಗೆ, ಬೆಳ್ಳುಳ್ಳಿ, ಈರುಳ್ಳಿ ಬಾಡಿಸಿ, ತರಕಾರಿ ಹಾಕಿ ಮಿಶ್ರಣ ಮಾಡಿ. ಪಾಸ್ತಾ ಮತ್ತು ಪಾಸ್ತಾ ಸಾಸ್ ಸೇರಿಸಿ ಕಸೂರಿ ಮೇಥಿ ಮತ್ತು ಚೀಸ್ ಹಾಕಿ ಬಿಸಿ ಬಿಸಿ ಪಾಸ್ತಾ ಲಂಚ್ ಬಾಕ್ಸ್ ಗೆ ಪ್ಯಾಕ್ ಮಾಡಿ. ದ್ರಾಕ್ಷಿಯು ಪಾಸ್ತಾ ಜತೆ ಪೋಷಕಾಂಶವನ್ನು ಹೆಚ್ಚಿಸುತ್ತದೆ.

4. ಪನೀರ್ ಉತ್ತಪ್ಪ ಜೊತೆಗೆ ಕ್ಯಾರೆಟ್ ಮತ್ತು ಪೀನಟ್ ಬಟರ್

ಅವಶ್ಯಕತೆಗಳು:

• ದೋಸೆ ಹಿಟ್ಟು – 1 ಕಪ್
• ಎಣ್ಣೆ ಅಥವಾ ತುಪ್ಪ – 1 ಟೇಬಲ್ ಚಮಚ
• ಪನೀರ್ – 50 ಗ್ರಾಂ
• ಮಿಕ್ಸ್ ತರಕಾರಿಗಳು (ಈರುಳ್ಳಿ, ಕ್ಯಾರೆಟ್, ಮುಸುಕಿನ ಜೋಳ)

ತಯಾರಿಸುವ ವಿಧಾನ:  

ದೋಸೆ ಹಿಟ್ಟು ಪ್ಯಾನ್ ನಲ್ಲಿ ಸುರಿದು, ಪನೀರ್ ಮತ್ತು ತರಕಾರಿ ಸೇರಿಸಿ, ತುಪ್ಪ ಹಾಕಿ ಕ್ರಿಸ್ಪ್ ಆಗುವವರೆಗೆ ಬೇಯಿಸಿ. ಈೊಂದಿಗೆ ಕ್ಯಾರೆಟ್ ಮತ್ತು ಪೀನಟ್ ಬಟರ್ ಪ್ಯಾಕ್ ಮಾಡಿ, ಇದು ಮಕ್ಕಳಿಗೆ ಬೇಗನೆ ತಿಂದು ತೃಪ್ತಿಯ ಆಹಾರವಾಗಿದೆ.

5. ಪಾಲಕ್ ಚಪಾತಿ ಮತ್ತು ಸೀಬೆ ಹಣ್ಣಿನ ಚೂರುಗಳು

ಅವಶ್ಯಕತೆಗಳು:

• ಪಾಲಕ್ ಸೊಪ್ಪು – ಅರ್ಧ ಹಿಡಿ
• ಎಣ್ಣೆ ಅಥವಾ ತುಪ್ಪ – 1 ಟೇಬಲ್ ಚಮಚ
• ಜೀರಿಗೆ, ಚಾಟ್ ಮಸಾಲ, ನಿಂಬೆ ರಸ – ಸ್ವಲ್ಪ
• ಗೋಧಿ ಹಿಟ್ಟು – 1 ಕಪ್
• ತುರಿದ ಚೀಸ್

ತಯಾರಿಸುವ ವಿಧಾನ:  

ಎಣ್ಣೆ ಬಿಸಿ ಮಾಡಿ, ಜೀರಿಗೆ, ಈರುಳ್ಳಿ, ಮ್ಯಾಶ್ ಮಾಡಿದ ಆಲೂಗೆಡ್ಡೆ, ಬಟಾಣಿ ಸೇರಿಸಿ ಚಾಟ್ ಮಸಾಲ, ನಿಂಬೆ ರಸ ಸೇರಿಸಿ ಮಿಕ್ಸ್ ಮಾಡಿ. ಬಳಿಕ ಪ್ಯೂರಿ ತಯಾರಿಸಿ, ಚಪಾತಿ ಹಿಟ್ಟು ತಯಾರಿಸಿ, ಚಪಾತಿಯನ್ನು ಶೇಪ್ ಮಾಡಿ, ಚೀಸ್ ಸೇರಿಸಿ ಬೇಯಿಸಿ. ಸೀಬೆ ಹಣ್ಣು ಮಕ್ಕಳ ಆರೋಗ್ಯಕ್ಕೆ ಪೌಷ್ಟಿಕಾಂಶದ ಹೆಚ್ಚಳ ನೀಡುತ್ತದೆ.

ಮಕ್ಕಳಿಗೆ ಪೋಷಕಾಂಶದಿಂದ ತುಂಬಿದ ಆಹಾರ ನೀಡುವುದು ಪ್ರತೀ ಪೋಷಕರ ಕರ್ತವ್ಯ. ಇವರಿಗೆ ಇಷ್ಟವಾಗುವ ಹಾಗೂ ಪೋಷಕಾಂಶವಿರುವ ಆಹಾರವನ್ನು ಸೃಜನಾತ್ಮಕತೆಯಿಂದ ಲಂಚ್ ಬಾಕ್ಸ್ ನಲ್ಲಿ ಪ್ಯಾಕ್ ಮಾಡುವ ಮೂಲಕ, ನಿಮ್ಮ ಮಕ್ಕಳು ಶಕ್ತಿಶಾಲಿಯಾಗಿ ಬೆಳೆಯುತ್ತಾರೆ.